Новости школы 2018-2019 уч год


13 апреля 2019 г. Турнир по настольному теннису.

Убаастыыр коллегабыт, учууталбыт Маргарита Игнатьевна Чабыкина бирииһигэр оҕолорго остуол тенниһигэр күрэхтэһии үрдүк таһымнаахтык буолан ааста. Маргарита Игнатьевна кэнэҕэски ыччаты спортка көҕүлээн, бэйэтин бирииһигэр күрэх ыытыыта номнуо үтүө үгэскэ кубулуйда, күүтүүлээх спорт бырааһынньыга буолла.

Алын сүһүөх кылаас кыргыттарыгар -  3 миэстэ – Прокопьева Динара;

2 миэстэ – Тастыгина Таня;

1 миэстэ – Захарова Нарыйа буоллулар.

Орто сүһүөх кылаас кыргыттарыгар – 3 миэстэ – Семенова Сардаана;

2 миэстэ – Неустроева Влада;

1 миэстэ – Попова Айта буоллулар.

Уолаттарга маӊнайгы ракеткаҕа – 3 миэстэ Слепцов Вася;

2 миэстэ – Слепцов Даниил;

1 миэстэ – Борисов Дима буоллулар.

Уолаттарга иккис ракеткаҕа – 3 миэстэ – Слепцов Вадим;

2 миэстэ – Кылтасов Леонтий;

1 миэстэ – Слепцов Егор буоллулар.

 

Күрэх абсолютнай чемпионнарынан эрэллээхтик Попова Айта, Борисов Дима ааттаннылар.


11 апреля 2019 г. 80-летие Аргунова А.Н.


Муус устар 11 күнүгэр, ытыктыыр учууталбыт, аҕа табаарыспыт, бастыҥ дириэктэрбит, Бүтэйдээх нэһилиэгин бастакы баһылыга, РФ уопсай үөрэхтээһинин бочуоттаах үлэһитэ, СР үөрэҕириитин туйгуна МэҥэХаҥалас, Бүтэйдээх нэһилиэгин Бочуоттаах олохтооҕо Аргунов Анатолий Никитич төрөөбүтэ 80 сылын бэлиэтээтибит.

🍃"Уопсай үөрэхтээһин 145 сыла уонна үйэтитэр үлэбит" диэн төгүрүк остуол ыытылынна. Анатолий Никиитиһи кытта алтыһан үлэлээбит дьон, пед. үлэ ветерааннара кыттыыны ыллылар.

🍃Анатолий Никиитиһи ахтыы биэчэригэр олоҕун аргыһа Аргунова Валентина Михайловна, уолаттара Михаил, Александр, убайа Александр Никитич аймах-билэ дьоно күндү ыалдьыт буоллулар. Истиҥ-иһирэх тылынан ахтан-санаан аастылар.

🍃Бастыҥ дириэктэрбитигэр анаммыт нэдиэлэ чэрчитинэн, кылаас чаастара, олохтоох музейга экскурсиялар, "Дьоҕур" математикаҕа олимпиада, Спортинг күрэҕэ, аан маҥнайгытын ыытыллар Чүүйэ, Бүтэйдээх оҕолорун теннискэ доҕордуу көрсүһүүлэрэ буолан аастылар. Маны таһынан, олохтоох музей, бэтэрээннэр сэбиэттэр этэрийэн, Анатолий Никитич олоҕор, үлэтигэр сыһыаннаах викторина олохтоохтор, оскуола оҕолорун ортолоругар ыытылынна.

🌿Анатолий Никитич тэрийбит музейа, туттарбыт оскуолата, үөрэҕириигэ, нэһилиэк сайдыытыгар киллэрбит СҮДҮ кылаата туохха да тэҥнэспэт. Кэнэҕэски көлүөнэ, ыччат дьон сыаналыыбыт, киэн туттабыт! Үтүө киһи аата үйэлэргэ умнуллубатын!

23 марта 2019 г. Букубаар, баhыыба!

«Букубаар, баһыыба»

 

Соторутааҕыта эрэ саӊа суумка сүгэн оскуола боруогун атыллаабыт кырачаан үөрэнээччилэрбит номнуо букубаардарын бүтэрэн, ааҕар буолан, «Букубаар, баһыыба» тэрээһиӊӊэ муһуннулар. Кинигэни харыстаан ааҕары, кинигэ – билии төрдө буоларын, үөрэх киэӊ аартыгын арыйарын бу бырааһынньык бигэргэттэ. Маӊнайгы кылаас үөрэнээччилэрэ бары биирдии буукуба оруолун толороннор ырыа-хоһоон бэлэхтээтилэр, ааҕар, суруйар буолбуттарын бигэргэтэн Карабас-Барабас араас сорудахтарын толлубакка толордулар. Тэрээһин ыӊырыылаах ыалдьыттарынан төрөппүттэр, оскуола учууталлара буоллулар.


15 марта 2019 г. Мини-мисс БСОШ.

«Мини Мисс БСОШ - 2019»

 

Маӊнайгы сааскы бырааһынньыгы көрсө алын сүһүөх кылаас кыргыттарын ортолоругар «Мини Мисс БСОШ - 2019» күрэх ыытыллынна. «Бэйэни билиһиннэрии», «Талаан», «Авангард муодата», «Киэһээӊӊи былааччыйа», «Интеллект» түһүмэхтэргэ кэрэчээн кыргыттарбыт күөн көрүстүлэр. Дьүүллүүр сүбэ быһаарыытынан, «1 вице Мисс» - Прокопьева Дарина (4 кыл.), «2 вице Мисс» - Прокопьева Динара (3 кыл.) уонна биэчэр саамай кэрэ куотунан Сергеева Виктория (1 кыл.) буоллулар. 


14 марта 2019 г. Сыана маастардара.

«Сыана маастардара - көрөөччүлэригэр»

Арассыыйаҕа тыйаатыр сыла уонна Саха Өрөспүүбүлүкэтигэр сомоҕолоһуу сыла биллэриллибитинэн, «Сыана маастардара - көрөөччүлэригэр» диэн Үүнэр көлүөнэ тыйаатырын бырайыагынан, Саха Өрөспүүбүлүкэтин үтүөлээх артыыһа, биһиги оскуолабыт выпуснига, Петр Евсеевич Андреев 70 сааһыгар аналлаах «Аҕаа» диэн моно испэктээгинэн ыалдьыттаата.

 

 Петр Евсеевич Бүтэйдээх орто оскуолатын 1968 сыллаах выпуснига. Үөрэммит оскуолатын, учууталларын, бииргэ үөрэммит доҕотторун, улааппыт-үөскээбит Бүтэйдээҕин олус истиӊник саныырын туһунан оскуола оҕолорун кытта көрсүһүүтүгэр кэпсээтэ. Оҕолору кытта көрсүһүү бэрт сэргэхтик, пресс-конференция быһыытынан ааста – артыыс идэтин баһылыырга ханнык хаачыстыбалар наадаларын, артыыс оскуолатааҕы сылларын туһунан кэпсээннэрэ оҕолору ордук интэриэһиргэттилэр.


13 февраля 2019 г. итоговое собеседование по русскому языку.


День комсомола 29 октября 2018 г.


Первое сентября 2018 г.


Note: Please fill out the fields marked with an asterisk.