Биһиги нэһилиэкпит эңээр политсыылынайдар үөрэ5и тар5атыыны са5алаабыттара. Кыахтаах, харчылаах дьон о5олорун аа5арга-суруйарга, үөрэххэ баралларыгар бэлэмнэттэрэллэрэ. Ол курдук, биирдиилээн баайдар о5олорун, политсыылынайдар Прокопий Петров, Игнат Гусев Бүтэйдээх сэлиэнньэтин уонна «Халымаайы», «Намчы» эңээр, Михаил Иванов, Петр Стулов Куоллара5а «Көрдүгэңңэ» үөрэппиттэр эбит.

Кинилэр үөрэнээччилэринэн буолаллар:

  1. Слепцов Михаил Федорович – сахаттан бастакы агроном
  2. Гаврилов Кузьма Осипович – сахаттан маңнайгы кэпсээнньит, «Холбос» кооперацияны тэрийбитэ.
  3. Попов Иван Алексеевич
  4. Попов Дмитрий Дмитриевич
  5. Окороков Николай
  6. Макаров Константин Константинович – Үѳhээ Алтан маңнайгы үѳрэхтээ5э
  7. Сивцев Георгий Федорович
  8. Сидоров Дмитрий Иванович

Бу үөрэнээччилэр 1898 сыллаахха, церковно - приходской оскуола аһыллан, үөрэхтэрин онно сал5аабыттара.

Политсыылынай, народоволец Папий Подбельскай чааһынай оскуола аһан Өлөчөйгө «Суон Тииккэ» үлэлэппитэ. Атын сыылынайдартан уратыта диэн, олохтоохтор эрэ буолбакка, чугастаа5ы улуустартан кытта кэлэн үөрэммиттэрэ.

Бу оскуола о5олору салгыы үөрэнэргэ бэлэмниир репетиторскай хайысхалаах этэ. Бука бары Дьокуускайга киирэн прогимназияны бүтэрбиттэрэ, үгүстэрэ үрдүк үөрэхтэммиттэрэ, Саха сирин революция иннинээ5и оло5ун эргийэр киинигэр сылдьыбыттара. Бүтэйдээхтэн үөрэммиттэр нэһилиэкпит маңнайгы интеллигеннэрэ буолбуттара. Ити үөрэтии таһыма олус үрдүгүн кэрэһэлиир.

Телефон  доверия

          8(4112)-42-10-28

         +7(795)104-68-38

"Горячая линия"

          ЕГЭ 8(4112)-42-10-46

          ОГЭ 8(4112)-42-10-48

          +7(495)984-89-19